व्यवसाय विकास सेवा प्रदायक संस्थाहरु

व्यवसाय विकास सेवा (Business Development Services – BDS) भनेको उद्यम तथा व्यवसायहरूको व्यावसायिक ज्ञान, सीप, क्षमता, उत्पादकत्व अभिवृद्धि, प्रतिस्पर्धात्मक क्षमता र व्यवसाय वृद्धि वा विस्तारका लागि योग्य, अनुभवी तथा विज्ञ सेवा प्रदायकहरूबाट प्रदान गरिने व्यावसायिक परामर्श सेवा हो। यस सेवाभित्र व्यवसायसम्बन्धी व्यावसायिक वित्तीय साक्षरता, क्षमता अभिवृद्धि, बजार पहुँच, तथा उपयुक्त प्रविधि सुधारका लागि सुझाव, परामर्श, सहजीकरण, सूचना प्रवाह लगायतका प्राविधिक, व्यावसायिक र व्यवस्थापकीय पक्षहरू समावेश हुन्छन्। उदय परियोजनाले साना तथा मझौला उद्यमी व्यवसायीहरूलाई माथि उल्लिखित सेवाहरू प्रदान गर्नका लागि डिजिटल सूचना पोर्टलमार्फत योग्यता, विज्ञता र अनुभवका आधारमा योग्य सेवा प्रदायकहरू (BDSPs) सूचीकृत गरी सहकार्य गरिरहेको छ।